മാണ്ട്യയിൽ നിന്ന് മേലുക്കോട്ടെക്ക് ഒരു യാത്ര

NSUI യുടെ കർണാടക ഇലക്ഷനുമായി ബന്ധപെട്ട് ആയിരുന്നു 2012 ഒക്ടോബർ മാസം ഞാൻ മാണ്ട്യയിൽ എത്തിയത്.NSUI മാണ്ട്യ ജില്ലയുടെ തിരഞ്ഞെടുപ്പ് വരണാധികാരി (District Returning Officer) ആയിരുന്നു  ഞാൻ.

ബാംഗ്ലൂർ - മൈസൂർ ഹൈവേ യിലെ മാണ്ട്യ ജില്ലാ കവാടം 

തിരഞ്ഞെടുപ്പിന്റെ തിരക്കുള്ള പ്രവർത്തനങ്ങൾക്ക്‌ ഇടയിലും അവിടെയുള്ള സ്ഥലങ്ങൾ ഒന്ന് കാണുവാൻ ഞാൻ തീരുമാനിച്ചു. യൂത്ത് കോണ്‍ഗ്രസ്‌ മാണ്ട്യ പാർലമെന്റ് പ്രസിഡന്റ്‌ ശ്രീ.യതിരാജിനോടും NSUI സംസ്ഥാന സെക്രെട്ടറി ശ്രീ.രാജേഷിനോടും അടുത്തുള്ള സ്ഥലങ്ങളെ പറ്റി  ഒരു അന്വേഷണം നടത്തി, അപ്പോഴാണ്‌ മേലുക്കോട് പറ്റി അറിഞ്ഞത്.അങ്ങോട്ടേക്കുള്ള യാത്ര വഴി വളരെ മനോഹരം ആണ് എന്ന് കൂടി അറിഞ്ഞപ്പോൾ ഞാൻ വളരെ Excited ആയി. പിറ്റേന്ന് തന്നെ പോയേക്കാം എന്നുറപ്പിച്ച് രാജേഷിനോട് വഴി ചോദിച്ചു , താനും കൂടെ വരാം എന്ന് രാജേഷ് അറിയിച്ചു.ശരി എന്ന് ഞാനും,ഒരു ബൈക്ക് സംഘടിപ്പിക്കാൻ ഞാൻ പറഞ്ഞപ്പോൾ രാജേഷ്‌ പറഞ്ഞു മാണ്ട്യ - മേലുകാട് 40 KM ഉണ്ടെന്ന്,എന്തായാലും ബൈക്ക് മതി എന്ന് ഞാനും പറഞ്ഞ് DCC Officeൽ നിന്ന് യാത്ര പറഞ്ഞ് ഞാൻ റൂമിലേക്ക് പോന്നു.


ഞാൻ താമസിച്ചിരുന്നത് മാണ്ട്യ ഷുഗർ ടൌണിലുള്ള പത്മ സാഗർ റസിഡൻസിയിൽ ആയിരുന്നു.പിറ്റേന്ന് രാവിലെ തന്നെ ഞാൻ റെഡി ആയി ഏകദേശം 9 AMന് രാജേഷ് ബൈക്കുമായി എത്തി.ഞങ്ങൾ ഒരുമിച്ച് താഴെ റെസ്റ്റോറന്റിൽ നിന്നും നല്ല ദോശയും കഴിച്ച് ( അവിടുത്തെ ദോശക്കും ഒരു പ്രത്യേക രുചിയാണ് ) 9:30 AMന് മേലുകോട്ടെക്ക് യാത്ര തിരിച്ചു.

ഹോട്ടൽ പത്മ സാഗറിലെ ദോശയും ചട്നിയും 

റൂട്ട്മാപ്പ് : മാണ്ട്യ - മേലുക്കോട് 

മാണ്ട്യ ടൌണിൽ കഴിഞ്ഞ് വലത്തേക്കുള്ള വഴിയേ ഞങ്ങൾ യാത്ര തുടങ്ങി,   കേവലം അര കിലോ മീറ്റർ പിന്നിട്ടപ്പോഴേക്കും കണ്ണെത്താ ദൂരത്തോളം പരന്ന് കിടക്കുന്ന കരിമ്പിൻ തോട്ടം ദൃശ്യമായി മനോഹരമായ ആ കാഴ്ച്ച വര്നനാതീതമാണ്,

പച്ച പുതച്ച കരിമ്പിൻ തോട്ടങ്ങൾ 

കരിമ്പിൻ തോട്ടങ്ങൾ കണ്ടു മുന്നോട്ടു പോയ ഞങ്ങൾ വഴിയോരത്ത് കർഷകർ കരിമ്പിൻ ജൂസ് വില്ക്കുന്നത് കണ്ടു.കർഷകർ വെയിലിനെ വകവെയ്ക്കാതെ പണിയെടുക്കുന്നതും കാണുവാൻ ഇടയായി .

പാടത്ത് പണിയെടുക്കുന്ന കർഷകൻ

ഈ പാടങ്ങളിലെ കൃഷി ആവശ്യങ്ങൾക്കായുള്ള ജലം ലഭിക്കുന്നത് KRS ഡാമിൽ (കൃഷ്ണരാജ സാഗര ) നിന്നുമാണ്. കാവേരി നദിയിലാണ് കൃഷ്ണരാജ സാഗര ഡാം സ്ഥിതി ചെയ്യുന്നത്. പിന്നെ ,എടുത്ത് പറയേണ്ട ഒരു കാര്യം നമ്മുടെ നാട്ടിൽ ഇന്ന് കാണാൻ കഴിയാത്ത കാളവണ്ടി ഇവിടെ സുലഭമായി കാണുവാൻ കഴിയും ,ഞങ്ങൾക്ക് അഭിമുഖമായി നിരവധി കാളവണ്ടികൾ കരിമ്പുമായും, കരിമ്പിന്റെ ചണ്ടിയുമായും കടന്നു പോയി.ഇവിടെ സാധനങ്ങൾ കൊണ്ടുപോകാൻ സാധാരണയായി കാളവണ്ടി ആണ് ഉപയോഗിക്കുന്നത് എന്ന് അറിയാൻ കഴിഞ്ഞു .

കാളവണ്ടിയിൽ കരിമ്പുമായി പോകുന്ന കർഷകർ 

മാണ്ട്യയിൽ നിന്നും മേലുക്കൊട്ടെക്ക് പോകുന്ന വഴിയിൽ ധാരാളം ഷുഗർ ഫാക്ടറികൾ ഉണ്ട്.,അതിനാൽ തന്നെ മാണ്ട്യ "മധുര നഗരം"(Sugar City) എന്നാണ് അറിയപ്പെടുന്നത്.കുറേ ദൂരം യാത്ര ചെയ്തപ്പോൾ ഒന്ന് വിശ്രമിക്കാം എന്ന് തോന്നി, കൂട്ടത്തിൽ ഒരു ഷുഗർ മിൽ കൂടി കാണുവാൻ തീരുമാനിച്ചു. ഞങ്ങൾ ഒരു ഷുഗർ മില്ലിൽ കയറി , പന്തളം നമ്മുടെ അടുത്ത സ്ഥലം ആയതു കൊണ്ടും, മറയൂർ ഷുഗർ മില്ലുകൾ മുൻപ് സന്ദർശിച്ചത് കൊണ്ടും ആകണം, ഷുഗർ മില്ലിൽ എനിക്ക് പുതുമ ഒന്നും തോന്നിയില്ല.പക്ഷെ ഇവിടെ തികച്ചും ഗ്രാമീണ പശ്ചാത്തലവും കാളയും കാളവണ്ടിയും ഒക്കെ കണ്ടതിനാൽ ആകാം മനോഹരമായി തോന്നി.

കരിമ്പിൽ നിന്നും ജൂസ് എടുക്കുന്ന തൊഴിലാളികൾ 

അക്കാനി (കരിമ്പിൻ നീര്) കാച്ചുന്ന തൊഴിലാളി 

കാളവണ്ടിയും വിശ്രമത്തിൽ .. :) 

കരിമ്പിന്റെ നീര് എടുത്ത ശേഷം ബാക്കിയായ ചണ്ടി

ഞങ്ങളെ കണ്ട സന്തോഷത്തിൽ പാവം ഒരു കർഷകൻ ഞങ്ങൾക്ക് ഒരു കരിമ്പ്‌ തന്നു .കിട്ടിയ കരിമ്പും കടിച്ച് കൊണ്ട് വീണ്ടും ഞങ്ങൾ യാത്ര തുടർന്നു, കരിമ്പിന്റെ സ്വാദ് ആസ്വാദ്യകരമായിരുന്നു.ഇപ്പോൾ ഞങ്ങൾ മാണ്ട്യയിൽ നിന്നും ഏതാണ്ട് 15 - 20 KM  അകലെയാണ്. പിന്നീട് അങ്ങോട്ട്‌ പതുക്കെ കരിമ്പിൻ തോട്ടങ്ങൾ അപ്രത്യക്ഷമായി തുടങ്ങി , കേരളത്തെ ഓർമിപ്പിക്കുന്ന നാട്ടും പ്രദേശം ആയി പിന്നീട് അങ്ങൊട്ട്....

വഴിയോരത്ത് പോത്തിനെ മേയ്ക്കുന്ന സ്ത്രീ 

വഴിയോരത്ത് നല്ല തണൽ  മരങ്ങൾ ഇല വിരിച്ച് നിന്നിരുന്നു . ഒഒരിക്കലും മറക്കാൻ ആകുന്നില്ല ആ യാത്ര, പണ്ടേ പച്ചപ്പ്‌ കാണുന്നത് എനിക്ക് ഭ്രാന്തായിരുന്നു. ഏകദേശം 10KM കൂടി മുൻപോട്ടു പോയപ്പോൾ പിന്നെ തരിശ് പ്രദേശമായി.ഇപ്പോൾ ഞങ്ങൾ ഏതാണ്ട്  30 KM ഞങ്ങൾ യാത്ര ചെയ്തു .

തരിശ് പ്രദേശം 

അങ്ങനെ ഞങ്ങൾ മേലുക്കൊട്ടെയിൽ എത്തി.ഇവിടെ ഞങ്ങൾ ആദ്യം കല്യാണിയും 'യോഗനരസിംഹ ക്ഷേത്രവും' വളരെ പ്രസിദ്ധമായ 'ചെളുവനാരായണ സ്വാമി ക്ഷേത്രവും' കാണുവാൻ തീരുമാനിച്ചു.

കല്യാണി ഒരു വലിയ തടാകമാണ്. ദക്ഷിണേന്ത്യൻ സിനിമകളുടെ സ്ഥിരം ലൊക്കേഷൻ ആണ് ഈ കല്യാണി എന്ന് രാജേഷ് പറഞ്ഞു.

കല്യാണി 

കല്യാണിയിൽ നിന്നും ഞങ്ങൾ ഫോട്ടോയും എടുത്ത് യോഗനരസിംഹ ക്ഷേത്രത്തിലേക്ക് പോകുവാൻ തീരുമാനിച്ചു.യദുഗിരി മലയുടെ മുകളിലാണ് യോഗ നരസിംഹ ക്ഷേത്രം., യദുഗിരി മലയുടെ മുകളിൽ നിന്നും ഉള്ള കാഴ്ച്ച വളരെ മനോഹരമാണ്.

യോഗനരസിംഹ ക്ഷേത്രം 

മുകളിലേക്ക് കയറും തോറും കല്യാണി വളരെ മനോഹരി ആയി താഴെ കാണുവാൻ കഴിഞ്ഞു

കല്യാണി ഒരു ദൂര കാഴ്ച 

ഒടുവിൽ ഞങ്ങൾ ക്ഷേത്രത്തിൽ എത്തി.

യോഗനരസിംഹ ക്ഷേത്രം 

മുകളിൽ  നിന്ന് നോക്കിയാൽ ..ദേ , ഇങ്ങനെ ഇരിക്കും 

പിന്നെ ഞങ്ങൾ  ചെളുവനാരായണ സ്വാമി ക്ഷേത്രത്തിലേക്ക്

ചെളുവനാരായണ സ്വാമി ക്ഷേത്രത്തിൻറെ തൂണുകൾ 

അടുത്തതായി ഞങ്ങൾ പ്രസിദ്ധനായ കന്നഡ കവി ശ്രീ.പുരോഹിത തിരുനാരായണ നരസിംഹാചാരിയുടെ വീട് കാണുവാൻ പോയി

ശ്രീ.പുരോഹിത തിരുനാരായണ നരസിംഹാചാരിയുടെ വസതി 

അങ്ങനെ മേലുക്കോട്ട് കാണാൻ ഉള്ളതെല്ലാം കണ്ട് കഴിഞ്ഞ് തിരികെ പോരുവാൻ വണ്ടിക്കരികിൽ എത്തിയപ്പോഴാണ് രാജേഷ് പറയുന്നത് ,അവിടെ മാത്രം ലഭിക്കുന്ന "മേലുക്കോട്ടേ പുളിയോഗ്രെ" എന്നാ സാധനത്തെ പറ്റി, നല്ല വിശപ്പ് തുടങ്ങിയ എനിക്ക് ഇത് കേട്ടതും ഒന്ന് റ്റേസ്റ്റ് ചെയ്യണം എന്നായി ,ഞങ്ങൾ ഈ പുളിയോഗ്രെ കിട്ടുന്ന കടയിൽ  കയറി അതും വാങ്ങി

 മേലുക്കോട്ടേ പുളിയോഗ്രെ 

അരിയും കൊണ്ടുള്ള ഒരുതരം പൊങ്കൽ ആണ് സംഭവം , നല്ല സ്വാദാണ് എന്തായാലും.

അതും കഴിച്ച് ഞങ്ങൾ മെലുക്കൊട്ടെയോട് വിട ചൊല്ലി ...

തിരികെ 4:15 PMന് റൂമിലെത്തി....

യാത്രയിൽ കണ്ട മധുരം ഊറുന്ന കാഴ്ച്ചകൾ മനസ്സിൽ ഇന്നും തങ്ങി നിൽകുന്നു ,അതെ മധുരത്തോടെ ...!!